又到齋戒月。。。
同工人姐姐相處，我相信將心比己，日對夜對，幾乎都做咗半個屋企人，你對佢哋好，佢哋亦都會對你同屋企人好。所以平時大家最緊要都係互相尊重，尤其係佢哋宗教信仰和飲食習慣。
印尼人唔食豬肉好多人都知，但係其實佢哋每年仲有一個月嘅齋戒月 (不過未必個個都會進行齋戒)。前天應該是第一天，雖然話就話佢有佢禁，我有我食。 但大家生活在同一屋簷下，佢地嘅生活轉變，對我們唔多唔少都會有影響。 各位新手僱主不妨留意吓。
印尼人因為信仰，每年都有一個月會齋戒，由早上開始禁食，一直至黃昏拜神後才開始進食。 禁食期間連水都唔飲得，每幾個鐘就拜神一次，成個月都係咁。
以往幾位工人姐姐，佢地齋戒時嘅生活習慣是：
* 半夜: 約三四時進食，因為有漫長的一天要渡過，所以一定食定好多。 但半夜三更，通常食完就瞓。
* 日間: 因為禁食整天，會比較易攰，唔想郁，做嘢可能比平時慢啲。 我最初唔知佢地情況，覺得工人姐姐突然懶咗好多，以為佢搏炒!
又因為禁食期間連水都唔飲得, 一定口乾, 而且容易有口氣, 如果天氣熱的話，亦容易有體味。 我有年唔知原來連水都唔飲得，仲喺端午節期間一家大細去城門河睇龍舟，佢地曝曬一整天，幾乎休黑。
* 黃昏: 日落拜神後可以進食，但因為又餓又渴，反而最鍾意食凍的蕃薯糖水和飲珍珠奶茶等高糖高熱量食物。
終於捱過一個月, 雖然可以正常進食, 但因為成個月都係飲食時間, 份量, 營養失衡, 之後好易有其他健康問題. 好似我一個做咗幾年的工人姐姐, 年年齋戒完都有胃病, 要好一段時間才慢慢康復。
不過始終是别人國家的信仰儀式, 最好都是少啲批評, 多啲包容體諒就好啦~~
#工人姐姐好錫家姐二哥三妹
#這樣已經足夠
#印尼齋戒月 #禁食 #齋戒月 #BulanPuasa
#營養師 #Nutritionist #AnnieLee
Search